Taxe sur le Profit Immobilier “TPI” 

إذا كان عندك منزل وبغيت تبيعه، شحال غادي تخلص عليه ديال الضريبة ؟؟ 

باش تعرف شحال غادي تخلص كضريبة أولاً خاصك تشوف نوع المنزل واش سكن رئيسي أو ثانوي :

السكن الرئيسي 

• هو عبارة على منزل أو شقة كاتكون سكنت فيه لمدة أكبر من 6 سنوات

• في هذه الحالة إدارة الضرائب غادي تعفيك من الضريبة ماتخلص والو في حالة تم بيع منزلك، ولكن لابد أنك تصرح بالبيع عند إدارة الضرائب وخا معفي من لخلاص ولكن التصريح مامعفيش منه.

السكن الثانوي 

• هو سكن كاتكون سكنت فيه لمدة أقل من 6 سنوات أو تكون شاريه ومخبيه لدواير الزمان، بمعنى ماتكونش ساكن فيه مخليه خاوي أو كاريه …

• باش تستافد من الإعفاء ديال الضريبة الخاصة بهاد السكن خاصك تكون ناوي تشري سكن آخر مين تبيع السكن الأول وفي آجال ستة أشهر من تاريخ البيع،

بمعنى إذا قمت ببيع المنزل بتاريخ 01/01/2023 خاصك تشري منزل آخر قبل إنتهاء تاريخ 30/06/2023 إلا فات هاد التاريخ وماشريتش راك غادي تخلص الضريبة على الأرباح العقارية.

• أما إذا كانت النية ديالك هي تبيع السكن وتاخد لفلوس فهاد الحالة خاصك تخلص %20 على الأرباح للدولة كضريبة على الأرباح العقارية

مثال لطريقة حساب الضريبة على الأرباح العقارية TPI :

• لنفترض أنني شريت منزل ف 2018 ب 1.000.000 درهم
• في سنة 2022 قمت ببيع المنزل ب 1.500.000 درهم

– طريقة حساب الضريبة متواجدة في الصورة فوق:

1 – Prix de Cession
هو الثمن باش بعنا المنزل ناقص مصاريف البيع بحال المصاريف ديال السمسار …

2 – Prix d’acquisition Actualisé
هو الثمن باش شرينا المنزل مضروب في معامل التجديد، هاد المعامل كانجيبوه من الجريدة الرسمية، يتم ثحديته كل سنة.

3 – Frais d’acquisition
هي مصاريف الشراء الخاصة بالموثق والمحافضة والتسجيل… الدولة كاتحدد هاد المصاريف في نسبة 15% من ثمن الشراء

4 – Frais d’acquisition Actualisé
كانديرو التجديد لمصاريف الشراء، بحيت يتم ضربها في المعامل المتواجد في الجريدة الرسمية كما فعلنا مع ثمن الشراء

5 – Coût d’acquisition
تكلفة الشراء هي مجموع ثمن الشراء الذي تم تجديده (2) زائد مصاريف الشراء التي تم تجديدها (4)

6 – Profit Foncier
هو الربح لي حققناه، ثمن البيع (1) ناقص تكلفة الشراء (5)

7 – Taxe sur le Profit Immobilier “TPI”
هي الضريبة على الأرباح العقارية، تساوي الربح الصافي مضروب ف 20%

8 – Cotisation Minimale “CM”
أخيرا وجب علينا حساب الحد الأدنى من هذه الضريبة لي هو 3% من ثمن البيع

• بعدها نقوم بمقارنة الضريبة لي حسبناها مع الحد الأدنى للضريبة ونخلصو لكبيرة فيهم، فالمثال ديالنا TPI هي لكبير إذا نخلصو 64.710 درهم

ختاماً : طريقة التصريح بهذه الضريبة كاتكون عن طريق إدارة الضرائب في آجل 30 يوم من تاريخ البيع، إلا كنت متعرفش تقوم بهاد التصريح و هذه الحسابات يمكنك التوجه إلى أقرب محاسب قبل إنتهاء 30 يوم باش ماتزادش عليك الضرائب