Procès Verbal d’Assemblée Générale Ordinaire “PV d’AGO” 

محضر الجمع العام العادي 

عبارة عن محضر إجباري خاص يقادوه الشركاء ديال الشركة كل سنة، وكذلك خاص يكون موقع من طرف جميع الشركاء ومصادق عليه من طرف المقاطعة أو البلدية

– هاد المحضر كايكون فيه تقسيم ديال النتيجة السنوية الخاصة بالسنة المحاسباتية “L’affectation du résultat”

– هاد المحضر إجباري علينا نحطوه فالمحكمة التجارية كل سنة، الإمضاء والمصادقة على المحضر خاص يكون قبل إنتهاء شهر 6، وإيداعه في المحكمة التجارية خاص يكون قبل إنتهاء شهر 7

– في حال ماحطيتش هاد المحضر فالوقت دياله غادي تخلص ضريبة على التأخر لي كاتراوح القيمة ديالها من 10.000 درهم إلى 50.000 درهم

– هاد المحضر لايتم تسجيله في إدارة الضرائب “Enregistrement”

Procès Verbal d’Assemblée Générale Extraordinaire “PV d’AGE” 

 محضر الجمع العام الإستثنائي 

عبارة عن محضر إجباري خاص يقادوه الشركاء ديال الشركة في حال بغاو يديرو شي تغيير على النظام الأساسي “Statuts”، كاتغيير إسم الشركة، أو تغيير المقر الخاص بالشركة، أو تغيير النشاط التجاري الخاص بالشركة….

– هاد المحضر كاتكتب فيه جميع التغّيرات لي باغي دير للشركة ديالك، وكذلك خاص يكون موّقع من طرف جميع الشركاء ومصادق عليه من طرف المقاطعة أو البلدية

– هاد المحضر إجباري علينا ندفعوه لإدارة الضرائب والمحكمة التجارية وصندوق الضمان الإجتماعي وإلى جميع الإدارات المتعلقة بالنشاط التجاري الخاص بالشركة ديالك …

– في حال مادرتش هاد المحضر راه جميع الإدارات غادي يرفضو الطلب ديالك الخاص بتغيير النظام الأساسي

– هاد المحضر يتم تسجيله في إدارة الضرائب “Enregistrement”، مصاريف التسجيل تختلف حسب عدد صفحات المحضر.

》ملاحضة : لا توجد طريقة معيّنة لإعداد هذه المحاضر، لذلك وإن كنت لا تفقه شيئاً في المحاسبة من الأفضل لك أن تكلف محاسب بذلك.