شنو هو Lettrage ؟؟ 

– هو عملية #تحقّق من إستخلاص جميع فواتير البيع والشراء، بمعنى كانراجعو جميع الفواتير وكانشوفو شنو هما فواتير الشراء لي خلصناهم وكذلك كانشوفو شنو هما فواتير البيع لي تخلصنا فيهم وشنو هما الفواتير لي مزال باقين كريدي.

هاذ العملية كاتسما “Lettrage Comptable”

الطريقة الأولى “Lettrage automatique” 

كايكون عن طريق برامج المحاسبة المعتمدة، كاتعطي أوامر لبرامج المحاسبة وكايتم عمل التحقّق لجميع الفواتير لي خلصنا أو تخلصنا فيها، الأغلبية ديال المحاسبين خدامين بهاد الطريقة لأنها سهلة وماتخدش وقت بزاف.

الطريقة الثانية “Lettrage manuel” 

إلى بغيت تخدم بهاد الطريقة كايخصك تجبد دوصي ديال الشركة وتبقا تحقّق من الفواتير فاتورة بفاتورة وكذلك كاتقوم بالتّحقق من الخلاص ديالهم،… نحن نفضل هذه الطريقة

》مميزات وعيوب هذه الطُرق 

Lettrage automatique 

– من مميزات هذه الطريقة أنها كاتسهل عليك الخدمة، وكذلك مكاتخدش منك بزاف ديال الوقت، ولكن من عيوب هذه الطريقة أنها مكاتعطيكش إمكانية التحقق من المعلومات لي دخلت واش صحيحة ولا لا

– كمثال : لنفترض أن الشركة شرات 10.000 درهم سلعة ولكن خلصات غير 6.000 درهم والباقي بقا كريدي.

فاش المحاسب بغا يدوز هاد الفاتورة أخطا ودوزها على أساس أن الشركة خلصات 10.000 درهم كاملة، فاش غادي نجيو نديرو Lettrage automatique برنامج المحاسبة ماغاديش يعرف أن المحاسب قد أخطأ، يعني غادي يدوزها كأنها خالصة 10.000 درهم كلها.

Lettrage manuel 

مميزات هذه الطريقة أنها كاتقلل من الأخطاء المحاسباتية قدر الإمكان، حيت كاتجبد دوصي كامل وتبقا تفِيريفي فاتورة بفاتورة، هذه الطريق أحسن من الطريقة الأولى، ولكن من عيوب هذه الطريقة أنها متعبة وكاتخد الوقت

#OUJDA_CONSULTUNG