هاد الوثيقة مهمة بزااف بالنسبة للشركات لي كايديرو التصدير، كايكون فيها واحد “Taux de change” لي كانحتجاوه باش نحولو قيمة العملات الأجنبية إلى الدرهم المغربي، لأنه في المحاسبة لا يجوز إذخال الفاتورات بقيمة العملات الأجنبية 

كمثال نتا عندك شركة لنقل البضائع وجاتك شركة فرنسية قاتلك جيبلنا شي سلعة من المغرب إلى فرنسا 

فاش غادي توصل السلعة للشركة الفرنسية غادي تعطي فاتورة فيها الأورو ماشي الدرهم المغربي، لذلك وفي نفس اليوم خاصك تخرج ديك الورقة ديال La DUM باش المحاسب ديالك يعرف قيمة الأورو شحال كانت ساويا أمام الدرهم فذاك النهار وكذلك باش يقدر يدوزلك ديك الفاتورة بشكل صحيح وقانوني وبالدرهم المغربي 

طريقة باش تخرج هاد الوثيقة كاتكون عن طريق شباك “Portnet” 
https://www.portnet.ma/

ملاحضة: العمليات التجارية لي خارج المغرب كاتكون معفية من الضريبة على القيمة المضافة TVA
بمعنى إذا قمت ببيع أي سلعة أو خدمة خارج المغرب راك كاتبيع بال HT ماشي TTC