أو ما يسمى بالمساهمة الإجتماعية للتضامن المطبقة على ما يسلمه الشخص لنفسه من مباني معدة للسكن الشخصي،

أو ما يسمى قبل 2019 

TVA livraison a soi-meme de construction 

هي عبارة عن إقرار ضريبي خاص بالناس لي كايبنيو السكن الشخصي ديالهم، ولكن باش تخلص هاد الضريبة خاص تكون سقفت (درت الضالة) لأكثر من 300 متر مربع.

》شحال غادي تخلص ديال الضريبة : 

فالصورة تحت غادي تلقاو الجدول لي فيه شحال غادي تخلص، كمثال إلى سقفت أكتر من 300 متر مربع راه خاصك تخلص 60 درهم على كل 1 متر مربع…

》شنو خاصك دوز فهاد الإقرار الضريبي : 

– شهادة مسلمة من طرف مهندس معماري يكون فيها تكلفة البناء “في حال جبت الخدامة وبنيت السكن ديالك بوحدك”

– مرجع الفواتير و بيان السلع والخدمات “في حال عطيت مهمة البناء لشي شركة خاصة بالبناء”

》فوقاش خاصك دوز هاد الإقرار : 

– الإقرار المتعلق بتكلفة البناء خاصك تبقا دوزو قبل إنتهاء شهر فبراير من كل سنة وذلك طيلة مدة البناء،، خاص تسجل فإدارة الضرائب ودوزو الإقرار الخاص بهاد الضريبة قبل 28/02

– بخصوص الإقرار المتعلق بالمساهمة الإجتماعية للتضامن، خاص دوزو قبل إنتهاء 90 يوم من تسليمك لرخصة السكن.

》شنو هي الطريقة باش دوز هاد الإقرار : 

– أولاً خاص تمشي تسجل فإدارة الضرائب

– ثانياً خاصك تجمع الملف الخاص بالمبنى لي بنيت ودوز داك شي لي فيه أو من الأحسن تشوف شي حد كايخدم هاد الإقرار الضريبي سواء محاسب أو موثق او شركة إستشارات…