آجال الأداء : قانون جديد دخل حيز التنفيذ (69.21)

هاد القانون كايحدد الآجال ديال تسديد الفواتير في 60 يوم في حال لم يتفق البائع والشاري على مدة تسديد الفاتورات

أما إلا تافقو على مدة تسديد الفاتورة راه ماخاصش تكون أكبر من 120 يوم

بمعنى أصبح إجباري على كل الشركات والمقاولات والأشخاص الذاتيين والمؤسسات… لي عندهم رقم معاملات أكبر من 2 مليون درهم أنهم يخلصو الفواتير لي عليهم قبل إنتهاء مدة 60 يوم إن لم يتم الإتفاق بين الطرفين، أو 120 يوم إن تم الإتفاق بين الطرفين (الإتفاق على مدة الدفع خاص يكون مكتوب فالفاتورة من أجل إثباته)

في حال خلصت شي فاتورة بعد إنتهاء المدة القانونية غادي تزاد عليك 0.85% من قيمة الفاتورة كل شهر كضريبة خاصك تخلصها للخزينة العامة

هاد القانون غادي يطبق غير على الشركات والمقاولات والأشخاص الذاتيين والمؤسسات لي عندهم رقم معاملات سنوي أكبر من :

50.000.000 درهم دون إحتساب الرسوم H.T — سنة 2022

10.000.000 درهم دون إحتساب الرسوم H.T — سنة 2023

2.000.000 درهم دون إحتساب الرسوم H.T — سنة 2024

بِمعنى :

– الشركات والمقاولات والمؤسسات لي كان عندهم رقم معاملات أكبر من 50 مليون درهم ف 2022 غادي يطبق عليهم هاد القانون في سنة 2023 وكذلك أصبح إجباري عليهم يحطو إقرار إضافي إبتداءاً من 01/07/2023

– الشركات والمقاولات والمؤسسات لي غادي يكون عندهم رقم معاملات أكبر من 10 مليون درهم ف 2023 غادي يطبق عليهم هاد القانون في سنة 2024 وكذلك سيصبح إجباري عليهم يحطو هاد الإقرار

– الشركات والمقاولات والمؤسسات لي غادي يكون عندهم رقم معاملات أكبر من 2 مليون درهم ف 2024 غادي يطبق عليهم هاد القانون في سنة 2025 وكذلك سيصبح إجباري عليهم يحطو هاد الإقرار

(هاد الإقرار غادي يتحط عند نهاية كل ثلاتة أشهر  “بحال TVA – T” وكذلك غادي يكون خاص غير بالفاتورات لي باقي ماخلصينش)

وجب التنبيه أن الفواتير أصبح إجباري إعدادها وإمضاؤها قبل إنتهاء الشهر الذي تمت فيه عملية بيع السلعة أو الخدمة “يعني مين تبيع شي سلعة أو خدمة… خاصك تقاد الفاتورة قبل مايسالي داك الشهر لي بعت فيه السلعة أو الخدمة…”

وجب التنبيه كذلك بإلزامية توقيع مراقب حسابات على هذا الإقرار إذا كان رقم المعاملات السنوي يساوي أو يفوق خمسين مليون درهم

الجديد في الأمر هو : 👇🏻

إلزامية توقيع خبير محاسب أو محاسب معتمد على هذا الإقرار، إذا كان رقم المعاملات السنوي يقل عن خمسين مليون درهم وأكبر من 2 مليون درهم 😏

بمعنى أن هذا الإقرار لا يمكن أن أقوم بإيداعه بنفسي في حال تعدى رقم المعاملات الخاص بشركتي 2 مليون درهم، بل أصبح إجباري عليا أنني نخلص محاسب باش يطبع فهاد الإقرار عاد باش نقدر ندوزه، وهذا مانراه نحن إحتكار لمهنة المحاسبة من طرف المنظمة 😠

رغم ذلك سنواصل النظال وموعدنا البرلمان إن شاء الله #لا_لإحتكار_المحاسبة ✌😇

لا تنسو الإشارة إلى هذا القانون (69.21) في جميع الفواتير التي سيتم إعدادها بعد تاريع 01/07/2023

يتبع…