》Fournisseur défaillant 

– تعريف : 

هو عبارة عن شخص ذاتي أو شركة ولكن كايكون عندهم مشكل مع إدارة الضرائب، كاتكون إدارة الضرائب كاتسلهم شي ضريبة أو كايكونو مامدوزينش الإقرارات الضريبية ديالهم، أو كايكونو مصرحين برقم المعاملات خطأ…

– طريقة معرفة هاد النوع ديال الشركات : 

قبل ماتعامل مع أي شركة طلب عليهم واحد الشهادة سميتها

Attestation de régularité fiscale

هاد الشهادة كايكون فيها واش الشركة مسوية الوضعية ديالها مع إدارة الضرائب ولا لا.

– خطورة التعامل مع هاد النوع ديال الشركات : 

– ملي كاتشري على هاد النوع من الشركات كايولي عندك آحتمال كبيير أنها تجيك مراجعة ضريبية، حيت كاين بعض الشركات كايدوزو رقم المعاملات أقل من داك شي لي باعوه بالفاتورة،، هاد شي كايخلي إدارة الضرائب تشك فيك وتجي تراقبك.