شنو هي الأشياء لي خاصك ترد ليها البال في حال فتحت شركة وخديت الترخيص باش تمارس نشاط التوطين 

》من الناحية القانونية 

1 – قبل أن تبيع أي عقد خاص بالتوطين لابد أن تطلب بطاقة الهوية لصاحب الشركة وكذلك خاص تحتافض بنسخة من وثائق الشركة كاملين لمدة 10 سنوات

2 – لابد من إخبار إدارة الضرائب وإدارة الجمارك بلائحة فيها كل الشركات قبل 31 يناير من كل سنة

3 – لابد من إرسال إشعار لكل من إدارة الضرائب والمحكمة التجارية والخزينة العامة وإدارة الجمارك في حال إنتهاء أي عقد توطين، داخل أجل 10 أيام

4 – ممنوع تخرج شي معلومة على الشركات لي دايرلها التوطين إلا للمفوضين القضائيين ومصالح تحصيل الديون لي عندهم أمر بالتنفيد

الغرامات المترتبة عن عدم إلتزامك بهذه الأشياء تتراوح بين 5.000 درهم و 20.000 درهم عن كل شركة لقاوك مالتازمتيش معاها 

》من الناحية المحاسباتية 

– خاص داك شي لي مكتوب فالعقود يتحط ف BILAN كامل بدون نقصان، وكذلك ماتنساوش تردو البال 
“Les produits constatés d’avance”

》من الناحية الأخوية 

– تجنبو بيع العقود وحدها، وإن أمكن إخبار إدارة الضرائب والمحكمة التجارية بأنكم لا تبيعون العقود إلا للشركات التي تؤسسونها أنتم

هاد شي خاص ديروه باش تجنبو التزوير، راه ممكن نتا تبيع غير 10 عقود فالعام ولكن عند إدارة الضرائب غادي تكون بايع 100 عقد، حيت كاين لي كايزورو العقود ويفتحو بيها شركات وأنت ماجايب خبار 

– باش تمارس هاد النشاط خاصك تكون قد المسؤولية، حيت إلا درت غلطة وحدة راه ممكن يوقفولك النشاط ويطالبوك بتسديد الضرائب وزيد عليها الغرامات بين 5000 حتى ل 20000 درهم والمشكل الأكبر أنه ماتقدرش حتى تبلع هاد الشركة، يعني إلا ماخلصتش غادي تبقا متبوع طول حياتك…

#OUJDA_CONSULTING