Registre de commerce 

هو سجل يتم فيه تسجيل كل المقاولات والشركات والتجار والحرفيين والمهنيين بآستثناء بعض الأنشطة التي لا تحتاج إلى التسجيل في السجل التجاري كبطاقة المقاول الذاتي… 

عند تسجيلك في هذا السجل كايمكلك تزاول نشاطك التجاري بشكل قانوني، وكذلك بيه تقدر دفع فيزا، تاخد كريدي، تعطي الفاتورات، تطلب دعم من الدولة، المشاركة في الصفقات العمومية…

¤ أنواع السجل التجاري : كاين جوج أنواع 

1- السجل التجاري الخاص بالأشخاص الذاتين
Personne physique
بحال بلومبي، خضار، نجار، مول الحانوت… 

2- السجل التجاري الخاص بالأشخاص المعنوين
Personne morale
بحال الشركات “…SARL, SA, SNC” 

¤ طريقة التسجيل في السجل التجاري :

من بعد التسجيل فالضريبة المهنية “Taxe profissionnel” كاتجي المرحلة ديال التسجيل في السجل التجاري وهي من أصعب مراحل تأسيس الشركات 

طريقة باش كانسجلو فالسجل التجاري هي كالآتي : 

1 – كانجمعو واحد الملف لي كايتكون من الضريبة المهنية، والنظام الأساسي، ومحضر الجمع العام، وعقد الملكية أو الكراء أو التوطين والعديد من الملفات الأخرى لي كاتغيّر حسب نوع نشاط الشخص أو الشركة 

2 – من بعد كانمشيو للمحكمة التجارية أو المحكمة الإبتدائية “بالنسبة للمدن لي مافيهمش محكمة تجارية”، وكانقوموا بإيداع داك الملف لي جمعناه وكانخلصو عليه 350 درهم إذا كانت شركة و 150 درهم إذا كنت شخص ذاتي ومن بعد 3 أيام أو أكثر كايوجد السجل التجاري ديالك إذا كان الملف ديالك كامل ومقاد مليح. 

3 – من بعد مكاتاخد السجل التجاري كاتكون خديت الصفة القانونية لبدأ مزاولة النشاط التجاري ديالك، كايبقالنا غير تصايب الكاشي وتسجل ف CNSS وكذلك لا بد من القيام بالإعلانات في الجريدة الرسمية والجريدة العادية قبل فتح حساب بنكي خاص بالشركة. 

شكرا على المتابعة و نتمنى يكون الشرح مفهوم 
مرحبا بالأسئلة ديالكم 
الله يوفق الجميع