في حال كان عندك منزل أو شقة أو مرآب… وكنت كاريها لشي واحد فأنت ملزم بإيداع الإقرار السنوي الخاص بالكراء وقبل 01/03/2023 

طريقة حساب مبلغ هذه الضريبة هو كالآتي 

كاتجمع مجموع المداخيل العقارية السنوية وتنقص منهم المصاريف (الخاصة بالإصلاحات لي درت للمحل والمصاريف الخاصة بضريبة على الخدمات الجماعية) إلا كنت نتا لي خلصتهم، من بعد كتشوف النتيجة ديال الأرباح العقارية الخاصة بالكراء : 

– إذا كان عندك مجموع الأرباح العقارية السنوية أقل من 30.000 درهم فأنت معفي من الضريبة بشرط أنه مايكونش عندك شي مدخول عقاري آخر

– إذا كان عندك مجموع الأرباح العقارية السنوية بين 30.000 و 120.000 درهم راك غادي تخلص 10% من مجموع الأرباح العقارية كضريبة على الكراء

– إذا كان عندك مجموع المداخيل العقارية السنوية يفوق 120.000 درهم، غادي تخلص 15% من مجموع الأرباح العقارية كضريبة على الكراء.

ملاحضة : الإعفاء من الضريبة لا يعني الإعفاء من إيداع الإقرار السنوي, الكل ملزم بإيداع الإقرار السنوي الخاص بالأرباح العقارية وقبل 01/03/2023 

طريقة إيداع هذا الإقرار كاتكون عن طريق موقع إدارة الضرائب، أولا خاصك تمشي عندهم تعمر واحد المطبوع باش تسجل فالموقع، من بعد التسجيل كادوز الإقرار السنوي فموقع إدارة الضرائب

– كذلك يمكلك دوز هاد الإقرار عند أقرب محاسب في حالة كنت متعرفش 

#Revenus_Fonciers